Öryggismál
VANTAR ÞIG HJÁLP!
Í neyðartilvikum ber að hringja í neyðarlínuna 112.
Stjórnstöð lögreglu og slökkviliðs höfuðborgarsvæðisins verða í Skógarhlíð og eru þar í aðgerðastjórn.
TAKMARKANIR Á SKIPAUMFERÐ
Laugardaginn 20.08.2022 mun svæðið fyrir innan rauðu línurnar í kringum Faxagarðinn (sjá kort) vera lokað fyrir allri báta- og skipaumferð á meðan að flugeldasýning stendur yfir. Lokunin tekur gildi kl.22:50 til kl.23:20 eða 5 mín eftir sýningu. Eftirlitsbátur frá Landhelgisgæslunni verður á svæðinu með hlustvörslu á rásum16 og 12 ásamt bátum frá Landsbjörgu. Stjórnstöð Landhelgisgæslunnar mun einnig senda út tilkynningu til sjófarenda með reglulegu millibili í gegnum VHF. Kort af Hafsvæði
BÖRN OG UNGMENNI
Athvarf fyrir týnd börn er í bækistöð Lögreglunnar og Slökkviliðs í bílastæðakjallaranum bak við Alþingishúsið, með aðgengi við Vonarstræti og Templarasund. Vel merkt bifreið Slökkviliðs höfuðborgarsvæðisins verður staðsett þar svo auðvelt verður að sjá hvert á að leita. Gott er að hafa börnin merkt með símanúmeri forráðamanna. Miðbæjarathvarf Reykjavíkurborgar og Lögreglunnar á höfuðborgarsvæðinu verður einnig starfrækt á Menningarnótt og gefur lögregla upplýsingar í neyðarnúmerinu 112.
DÝRAVERND
Munum eftir dýrunum og gerum ráðstafanir þeim til verndar meðan á flugeldasýningunni stendur. Geymum hunda heima á Menningarnótt. Hægt er að nálgast „róandi“ fyrir dýr á Dýraspítalanum. Upplýsingar í síma 540-9900. Bakvakt vegna neyðartilfella utan opnunartíma í síma 860-2211.