Samgöngur

Munum að umferðalögin gilda alla daga ársins! Lögreglan mun sekta þá sem leggja ólögleg. Ökutækjum sem lagt er ólöglega og/eða hindra aðgengi lögreglu, slökkviliðs og sjúkraflutningamanna verða flutt burt og vistuð hjá Vöku. Er það gert til þess að tryggja aðgengi öryggisaðila ef slys ber að garði.

SKUTLUR

Leggðu fjær til að komast nær!

Sérstök skutluþjónusta Strætó verður starfrækt fyrir þá sem vilja komast hratt og örugglega inn á mitt hátíðarsvæðið.
Skutlurnar munu ganga frá kl.07:30 og fram yfir miðnættii eða þar til miðborgin hefur verið tæmd.Skutlurnar aka frá Laugardalshöll niður Reykjaveg og með viðkomu á stoppustöðvum strætó í Borgartúni og Hlemmi og þaðan beinustu leið upp að Hallgrímskirkju. Skutlustöðvar verða merktar. Hægt er að nálgast kort af akstursleiðum skutlu.

Hægt er að nálgast Google Maps kort með leiðarkerfi skutlu.

LEIGUBÍLAR

Leigubílar verða á fjórum stöðum í útjaðri hátíðarsvæðisins. Við Hallgrímskirkju, Skúlagötu, BSÍ og Túngötu á bílastæði við Landakotskirkju. Eftir klukkan 21:00 munu leigubílar við Skúlagötu færast yfir á BSÍ.  Akstur leigubíla um Gömlu Hringbraut er bannaður eftir kl. 22.00 á Menningarnótt og þar til miðborgin Strætó hefur lokið akstri. 

FERÐAÞJÓNUSTA FATLAÐRA

Farþegar eru vinsamlegast beðnir um að bóka ferðir með góðum fyrirvara til þess að auðvelda skipulagningu akstursins. Þar sem umferð inn í miðborgina er verulega takmörkuð þennan dag mun ferðaþjónustan hafa fjóra staði í borginni til að skila af sér og ná í farþega. Staðirnir eru eftirfarandi, við Sjávarútvegsráðuneytið við Skúlagötu, N1 Hringbraut (við hliðina á BSÍ), við Hallgrímskirkju og við Tjarnargötu 8 (bílastæði HHÍ). Vakin er athygli á því að ekki er stoppað við Ráðhúsið.Stæðin eru ekki ætluð til að leggja í heldur einungis til þess að taka á móti og skila af sér farþegum: Hægt er að panta síðustu heimferð kl. 00.00. Viðbúið er að einhver seinkun kunni að verða sökum umferðar. Við biðjum því alla um að sýna þolinmæði og skilning af þeim sökum.

Almennar upplýsingar um aðgengismál hreyfihamlaðra á Menningarnótt.

FERÐAÞJÓNUSTUAÐILAR

Í samráði við Samtök ferðaþjónustuaðila, höfum við skapað aðstöðu fyrir rútur á Menningarnótt, við Túngötu, Hallgrímskirkju og Skúlagötu. Stæðin eru ekki ætluð til þess að leggja í heldur einungis til þess að taka á móti og skila af sér farþegum. 

 

FRÍTT Í STRÆTÓ

Akstur strætó verður að mestu eins og aðra laugardaga. Vegna götulokana í miðborginni mun strætó aka að og frá Hlemmi og gömlu Hringbraut þar sem leiðir um miðbæinn stöðvast. Hefðbundið leiðakerfi verður gert óvirkt kl. 22:30 og áhersla lögð á að flytja gesti úr miðbænum frá gömlu Hringbraut og Hlemmi kl. 23:00. Síðustu ferðir verða kl. 01:00. 

Áætlun Strætó eftir kl. 23:00; Heildaráætlun má nálgast á Goggle Maps og skoða í snjallsímum hvenær sem er. Sjá einnig Akstursleiðir (texti),  Akstursleiðir (kort).  

ATH, farin verður ein ferð upp á Kjalarnes kl. 00:30 frá Háholti í MOS, farþegar hvattir til að taka leið M að Háholti og skipta þar. Allar upplýsingar má nálgast á Strætó.is og í þjónustuveri Strætó í síma: 540-2700.

BÍLASTÆÐI SÉRMERKT FYRIR FATLAÐA

Einstaklingar með P-merki fatlaðra sýnilegt í bílum sínum geta lagt þeim á þremur sérmerktum stöðum inni á hátíðarsvæðinu. 

  • Bílastæði við Tækniskólann á Skólavörðuholti (með aðgengi á gatnamótum Eiríksgötu og Snorrabrautar)
  • Bílastæði á horni Túngötu og Suðurgötu í nágrenni við Ráðhús Reykjavíkur (með aðgengi á gatnamótum Garðastrætis og Túngötu)
  • Bílastæði vestast á Skúlagötu, framan við Sjávarútvegsráðuneytið (með aðgengi á gatnamótum Barónstígs við Hverfisgötu)

BÍLASTÆÐI OG BÍLASTÆÐAHÚS

Afar skynsamlegt er að leggja bílnum í stórum og rúmgóðum stæðum í úthverfum svo sem við skóla, stóra vinnustaði eða íþróttamannvirki þar sem eru biðskýli í nálægð. Þannig kemstu auðveldlega, örugglega og ódýrt í og úr miðborginni með Strætó. Við bendum þeim sem vilja nota einkabíllinn einnig á möguleg stæði á eftirfarandi stöðum: Borgartún, Háskóli Íslands og Grandi. Bílastæðahúsið í Borgartúni verður einnig opið til kl. 01:00 en hefðbundin gjaldskylda er þar í stæði. Hjólastæði verða staðsett í bílastæðahúsi Ráðhússins.