MENNINGARNÓTT VERÐUR HALDIN Í SAUTJÁNDA SINN ÞANN 18. ÁGÚST NÆSTKOMANDI. Á TORGUM OG GÖTUM, Í HÚSASUNDUM OG GÖRÐUM, Í GALLERÍUM, VERSLUNUM, MENNINGARSTOFNUNUM OG HEIMASHÚSUM VERÐA VIÐBURÐIR AF ÖLLUM TOGA OG FYLLA MIÐBORGINA LÍFI.
Þema Menningarnætur í ár er „Gakktu í bæinn“ og vísar til þeirrar gömlu íslensku venju að bjóða gesti sína velkomna og gera vel við þá. Miðborgin býður gestum að ganga í bæinn á Menningarnótt og ef þú hefur hug á að standa fyrir tilteknum viðburði og vantar stað eða ert staðarhaldari og óskar eftir aðstoð við að finna skemmtilegan viðburð þá sækirðu um hér.
Þátttökuumsókn
Viltu bjóða gestum að ganga í bæinn þinn? Ertu með ákveðinn viðburð í huga en vantar stað fyrir hann? Ertu með stað en vantar áhugaverðan viðburð? Eða ertu kannski bæði með viðburð og stað? Sæktu um þá um hér! Athugið að umsóknarfrestur er 23. júlí.
ÞátttökuumsóknMenningarnæturpotturinn
Veittir verða styrkir úr Menningarnæturpottinum til einstaklinga og hópa sem hafa hug á því að skipuleggja fjölbreytta og áhugaverða viðburði á Menningarnótt. Umsóknarfrestur er mánudagurinn 18. júní en styrkupphæðir eru á bilinu 50-200 þúsund krónur. Menningarnæturpotturinn er samstarfsverkefni Höfuðborgarstofu og Landsbankans sem verið hefur máttarstólpi hátíðarinnar frá upphafi.
Komdu í pottinnVöfflukaffi í Þingholtunum
Íbúar í Þingholtunum hvetja nágranna sína til að taka þátt í Menningarnótt með því að hafa opið hús milli kl. 14:00 og 16:00 og bjóða gestum og gangandi upp á vöfflur og kaffi. Kynnumst samborgurum okkar og verum góðir gestgjafar! Gestgjöfum verður séð fyrir hráefni. Sæktu um hér!
Sæktu um